|
|
|
|
|
PONTIFICIA COMMISSIO BIBLICA DE EXPERIMENTIS AD LAUREAM
Cum quaesitum fuerit utrum liceat in examinibus ad lauream coram Pontificia Commissione Biblica habendis, experimenta quae, iuxta statuta, defensionem theseos praecedere debent, ab hac ipsa defensione ita seiungere ut etiam sat magno temporis intervallo ante fieri possint, Pontificia Commissio Biblica respondit: Affirmative, dummodo vel ambo experimenta praeliminaria simul fiant vel lectio publica cum defensione theseos coniungatur.
Quod responsum Ss.mus Dominus Noster Pius PP. XII, in audientia die 16 Iulii a. 1939 infrascripto Rev.mo Consultori ab Actis benigne concessa, ratum habuit et publici iuris fieri mandavit.
Iacobus M. Vosté, O.P.
|
 |